Dön'ya matbuğatına küzätü

Katarda çığuçı “Al-Raya Al-Katariya” basması jurnalist Cämal Qaşıqçı cinayäteneñ Soğud Ğaräbstanı iq’tisadına tiskäre yoğıntı yasawı turında yaza.

Livanda çığuçı “EL Hayat” gazetı Misır diñgez köçläreneñ Franśiya diñgez köçläre belän urtaq xärbi künegülär ütkäräçägen xäbär itä.

Soğud Ğaräbstanında ingliz telendä çığuçı “Alşarq Alawsat” gazetı Amerika Quşma Ştatları ilbaşı Donal’d Trampnıñ Golan qalqulıqları belän bäyle dokumentqa bügen qul quyaçağın citkerä.

Rusiyäneñ “RBK” xäbär portalı cirle matbuğat Rusiya ğaskärläreneñ Venesuêlağa kitü säbäben açıqladı dip yaza.

“Russia Today” kanalınıñ internet säxifäse Ukraina parlamentında Rusiya gazınnan waz kiçkän oçraqta kilep tuaçaq näticälär söyläşelde dip belderä.

“France 24” beldergänçä, Qıtay däwlät başlığı Franśiyağa räsmi säfär yasayaçaq.

Franśiyanıñ “Le Monde” gazetı yazğança, Yaña Zelandiya Kraystçerç höcümeneñ niçek barlıqqa kilüen açıqlaw öçen tikşerü başlattı.

 “Tatar – inform” mäğ’lümat agentlığı xäbär itkänçä, Tatarstan ilbaşı Röstäm Miñnexanov qısqa waqıtlı yalğa kitte.

 İlbaşınıñ qısqa waqıtlı yalı 2019 nçı yılnıñ 25 nçe martınnan 29 nçı martına qadär däwam itäçäk.

Tatarstan prezidentı yalda waqıtta älege wazıyfanı prem’yer-ministr Aleksey Pesoşin başqara.