Dön'ya matbuğatına küzätü 6.03.2019

Soğud Ğaräbstanında ingliz telendä çığuçı “Alşark Alawsat” gazetı yazğança, Soğud Ğaräbstanı, Berläşkän Ğaräp ämirlekläre häm Yämän iminlek şurasında Xusilärgä basım yasaluın teläde.

Baxreynda bastırıluçı “Axbar Al-Xalij” “Youtube bäxäslärgä säbäp bulğan “MOMO” uyını barlıq iğ’lannarın tıyu qararın aldı” dip belderä.  

Germaniyäneñ “Stern” jurnalı xäbär itkänçä, êlekkege tışqı êşlär ministrı Klaus Kinkel wafat buldı. Säyäsätçe 82 yäşendä ide.

Franśiyäneñ “Le Monde” gazetı ilneñ iñ ışanıçlı törmäläreneñ bersendä terrorçılıq höcüme turında yaza.

İspaniyäneñ “Êl Pais” gazetı yazğança, ildä uzdırılğan ber soraştıruda yäş’lärneñ 56%ınıñ irlär östenlegen yaqlawı açıqlandı.

Şulay uq, İspaniyäneñ “Êl Mundo” gazetı xäbär itkänçä, Real Madrid planlaştıru häm komanda idaräsendäge xatalar säbäple Ayaksqa 4kä 1 cinelde häm UEFA çempionnar ligasınnan töşep qaldı.  

Venesuêlanıñ “Telesur” çığanağı ildä êlekkege däwlät başlığı Ugo Çavesnı iskä alu xaqında yaza. Anıñ ülemenä 6 yıl tuldı.  

Rusiyäneñ RİA Novosti xäbär agentlığı yazğança, Kön’yaq Koreyada 5 rus diñgezçese qulğa alınğan köymäne porttan çığaru, saq astına alınuğa qarşılıq kürsätü häm yar buyı iminlek kisätülären sanğa suqmaw näticäsendä törmägä utırtıldı.  

Tatarstannıñ “Tatar-inform” agentlığı cäyge yal waqıtında İspaniyädä balalar öçen tatar lagere oyıştırılaçağın xäbär itä. Anda ayıruça Awrupa illärendä yäşäwçe millättäşlärneñ balaları cıyıla. Törle yäş’täge mäktäp balaları tatar awılı moxitendä ğoref-ğadätlär belän tanışa, telne öyränä.