Dönya matbuğatına küzätü 19.02.2019

Angliyada kön kürüçe bäysez ğaräp gazetı “Alşark Alavsat” Fälästinneň İzrail belän tözelgän kileşülärdän çigenü belän yanawın citkerä.

Qatarda basıluçı “Al-Raya Al-Katariya” gazetı Soğud Ğaräbstanınıň jurnalist Cämal Qaşıqçını küzätep baru öçen İzrailneň şımçılıq sistemasın qullanuın yaza.

Germaniyaneň ARD televideniyese beldergänçä balalar belän ütkärelgän tikşerenü balalarnıň fäqirlektän, mobbingtan häm qırıslıqtan qurquın kürsätä.

Xalıqara “Epoch Times” jurnalı Awstriyağa sıyınu öçen möräcäğat’ itkän ber Ğiraqlınıň Törkiyädä plastik operaŝiya yasatuın xäbär itä.

Germaniyaneň “Bild” gazetı layıqlı yalda bulğannarnıň ni öçen şeşä cıyuların aňlatuların yaza. Alar beldergänçä ay azağında kesädä ber tiyen dä qalmıy.

İspaniyadä basıluçı “El Pais” gazetı üzen Venesuêlanıň waqıtlıça ilbaşı bulıp iğlan itkän Xuan Guaydonıň mediŝina häm azıq-tölek yärdämnäreneň 23 fevral’ könne ilgä kerüe öçen ber plannı ğamälgä kertüen citkerä.

Şul uq ildä kön kürüçe “El Mundo” gazetı AQŞta 16 ştatnıň ilbaşı Trampnıň Meksika çigenä torğızılaçaq diwarnı finanslaw öçen iğlan itkän milli ğadättän tış xäl beterelsen öçen mäxkämägä möräcäğat’ itüen yaza.

Franŝiyadä kön kürüçe “Le Parisien” gazetı “Bez xayvan tügel” isemle mäqaläsendä Süriyädä saq astında bulğan ike franŝuz xatın-qıznıň illärenä qaytu turında ömetlänülären citkerä.

Şveyŝariyaneň “Le Temps” gazetı İzrailneň fälästinlelär öçen küzdä totılğan 138 million dollarlık fondnı yabuın uquçıları belän urtaqlaşa.

Franŝiyadä basıluçı “Le Figaro” gazetı beldergänçä Êmmanuêl’ Makron yähüdlärgä qarata doşmanlıqqa çişeleş êzli.

Rusiyäneň “İzvestiya” gazetı Rusiyä Federaŝiyase Sänägät häm säwdä ministrı Denis Manturovnıň Rusiyäneň Hindıstan öçen S-400 citeşterä başlawın açıqlawın yaza.