Dönya matbuğatına küzӓtü 04.02.2019

Baxreynda kön kürüçe “Ahbar Al-Xalij” gazetı Papa Franŝisknıň tarixi sӓfӓr öçen Berlӓşkӓn Ğarӓp Ӓmerlkelӓrenӓ kitüen yaza.

Angliyada basıluçı bӓysez ğarӓp gazetı “Alşark Alavsat” İranğa qarşı êçtӓlektӓge mӓqalӓlӓre belӓn tanılğan Ğiraqlı ber yazuçığa höcümneň oyıştırıluına cӓmğiyӓtneň reakŝiya belderüen citkerӓ.

Qatarda basıluçı “Al-Raya Al-Katariya” gazetı Soğud Ğarӓbstanınıň jurnalist Cӓmal Qaşıqçı cinayӓte belӓn bӓyle tikşerüneň waqıtın belӓ torıp ozınaytuın yaza.

Franŝiyaneň “Le Figaro” gazetı Parijda yanğın sünderüçelӓrgӓ qarşı höcümnӓrneň 60%ka artuın citkerӓ.

Şul uq ildӓ çığuçı “Le Mond” gazetı futbolçı Êmiliano Sala utırğan oçqnıň tabıluın xӓbӓr itӓ.

Germaniyaneň ARD televideniyese Nikolas Maduro hӓm Törkiyӓ ilbaşı Ӓrdoğannıň AQŞqa qarşı berlek buluın citkerӓ.

Şul uq ilneň “Doyçe Velle” media oyışması beldergӓnçӓ Angela Merkel’ Yaponiyağa sӓfӓr yasıy. Germaniya Kanŝlerı ike könlek sӓfӓrendӓ küp yaqlı krizislarnıň çişelüe hӓm irekle dönya sӓwdӓse mӓs’ӓlӓlӓrendӓ qayber yullamalar yasayaçaq. Sişӓmbe könne Merkel’ İmperator Akixito hӓm İmperatriŝa tarafınnan qabul itelӓçӓk.

Rusiyӓneň TASS xӓbӓr agentlığı Ukrainada ilbaşı saylawı öçen namzӓt mörӓcӓğat’lӓrenen azağına yaqınlaşuın citkerӓ. Xӓbӓrgӓ kürӓ kandidatlar isemlege 9 fevral’ könenӓ qadӓr açıqlanaçaq.

İspaniyada kön kürüçe “El Mundo” gazetı Berlӓşkӓn Ğarӓp Ӓmerleklӓrennӓn ber şirkӓtneň Nikolas Madurodan 3 tonna altın satıp aluın yaza.

Awrupanıň “Euronews” xӓbӓr kanalı Argentinalı futbolçı Êmiliano Salanıň yuğalğan oçqıçnıň tabıluın citkerӓ.