Dönya matbuğatına küzӓtü 01.02.2019

Angliyada basıluçı bӓysez ğarӓp gazetı “Alşark Alavsat” AQŞ dӓwlӓt başlığı Donal’d Trampnıñ Qıtay belӓn zur sӓwdӓ kileşüeneñ tözelӓçӓgen küzallawın yaza.

Kuveytta kön kürüçe “Al Watan” gazetı Törkiyӓneñ Misırdan suğan satıp alırğa qarar birüen citkerӓ.

Germaniyada basıluçı “Frankfurter Algemayne Śaytung” gazetı Törkiyӓgӓ küp keşeneñ kilüen citkerӓ. Xӓbӓrgӓ kürӓ Törkiyӓdӓ turizm 2018 yılda berdӓ bulmağan qadӓr bik yaxşı uzdı. Almannar yal öçen qabat Törkiyӓne sayladı.

İspaniyaneñ “El Pais” gazetı AQŞ ilbaşı Trampnıñ İspaniya hӓm Awrupa Berlegenӓ Maduro belӓn çınğa aşırğan barlıq dialog kanalların yabuları mӓs’ӓlӓsendӓ basım yasawın citkerӓ.

Argentinada kön kürüçe “Klarin” gazetı Maduro xökümӓteneñ Guaydo östendӓge basımnı arttıruın, xökümӓtkӓ qarşı oyıştırılğan çaralarda qatnaşqan 939 keşeneñ qulğa alınuın yaza. Gazet beldergӓnçӓ 11 jurnalist qulğa alındı, Xuan Guaydonıñ öyenӓ poliśiya cibӓrelde.

Rusiyӓneñ “İzvestiya” gazetı Xuan Guaydonıñ Venesuêlada xaqimiyӓt üzgӓrüeneñ Rusiyӓ Federaśiyase hӓm Qıtay faydasına bulaçağın dӓğwa itüen citkerӓ.

Rusiyӓdӓ kön kürüçe “Komsomol’skaya Pravda” gazetı Rusiyӓdӓn kütӓrelep kitkӓn sӓyer oçqıç iyӓse şirkӓtneñ açıqlaw yasawın, Venesuêlağa altın yӓisӓ qoral cibӓrüebez döres tügel dip belderüen xӓbӓr itӓ. Monnan alda matbuğat çarası Karakasta Rusiyӓneñ buş yulçı oçqıçın kürep alğan, anıñ belӓn Venesuêlağa altın, aqça, qoral yӓisӓ tülӓwle ğaskӓrineñ kiterelüen dӓğwa itkӓn ide.

Rusiyӓneñ “Lenta” xӓbӓr sӓxifӓse beldergӓnçӓ Gazprom başlığı Aleksey Millernıñ Sankt Peterburgta ber milliard sumlıq torağınıñ buluı öyrӓnelde.

“Turktatar” xӓbӓr sӓxifӓsenӓ kürӓ Tatarstan başqalası Qazan 2023 yılda Awrupa Uyınnarın üzendӓ uzdırırğa teli. Xӓbӓrdӓn kürengӓnçӓ Qazan üz mörӓcӓğaten yasadı. Qarar bıyıl 21 iyun’ könne qabul itelӓçӓk.