Dönya matbuğatına küzӓtü 25.01.2019

Misırda kön kürüçe “Al-Ahram” gazetı Misırda Xüsnü Mübarek bӓrep töşerelgӓn 25 ğinwar inqilabınıň 8 yıllığınıň qotlanuın yaza.

Kuveytta basıluçı “Alvatan” gazetı Venesuêladağı butalçıqnıň Amerikan nefteneň 1% tirӓse kütӓrelüenӓ sӓbӓpçe buluın citkerӓ.

“Spiegel-online” beldergӓnçӓ Awrupa Berlegendӓge salım yӓşerü berlek ӓğzalӓrenӓ yılda 825 milliard yevrolık zarar kiterӓ. Ber tikşerenügӓ kürӓ Awrupa Berlege illӓrendӓ küp keşe tiyeşle salımnı tülӓmişӓ, yӓşerep qaldıra.

Germaniyaneň Zeit.de xӓbӓr agentlığı AQŞnıň üz diplomatların Venesuêladan öleşçӓ çigӓ başlawın xӓbӓr itӓ. Venesuêladağı krizis arqasında AQŞ xökümӓte watandaşlarına ildӓn kitӓrgӓ kiňӓş itӓ. Vaşington citӓkçelege ayıruça ilçelek personalın da azayttı.

Franŝiyada kön kürüçe “Le Figaro” gazetı Donal’d Trampnıň Venesuêlada baştan uq rejim üzgӓreşen maqsat itüen yaza.

Rusiyӓdӓ basıluçı “İzvestiya” gazetı beldergӓnçӓ Ukraina Rusiyӓneň gaz tranzitı kileşüen imzalarğa mӓcbür qalaçağına ömetlӓnӓ.

RİA Novosti xӓbӓr çeltӓre Qırımnıň Awrupa Şurası Parlamentariylar Mӓcleseneň Kerç buğazı belӓn bӓyle talӓplӓrne kire qağuın citkerӓ. Awrupa Şurası Parlamentariylar Mӓclese Ukrainalı ğaskӓrilӓrneň irekkӓ cibӓrelüen talӓp itkӓn ide.

İspaniyaneň “El Mundo” gazetına kürӓ İspaniyada xökümӓtneň Xalıqara êşlӓr ğomüm sӓrqӓtibe Hose Manuêl’ Albares Venesuêladağı krizisnıň çişeleşe öçen demokratik hӓm ütӓ kürenmӓle çişeleşneň kirӓk buluın ӓytte.

Şul uq ildӓ kön kürüçe “La Vangardiya” gazetı Huan Guaydonıň üzen ilbaşı itep iğlan itüennӓn soň Rusiyӓneň Maduroğa, AQŞnıň isӓ Guaydoğa xuplaw kürsӓtergӓ dӓwam itterüen yaza.

Turktatar sӓxifӓse beldergӓnçӓ Davos forumında qatnaşqan Tatarstan dӓwlӓt başlığı Röstӓm Miňnexanovnıň Törkiyӓne maqtawın citkerӓ. Miňnexanov Törkiyӓneň Tatarstannıň iň zur investorı buluın ӓytte.