Dönya matbuğatına küzätü 17.01.2019

 “Alsharq Alawsat” gazetı Fälästinneñ yaqında tulı äğ’zalıq öçen Berläşkän Millätlär Oyışmasına möräcäğät’ itäçäge turında yaza.

Angliyädä çığuçı  “Alquds Alrabi” könlek ğaräp gazetı uzğan atnada ğailä qırıslığınnan qaçqan Soğud Ğaräbstanı watandaşı Rahaf Möxämmäd äl-Kununnıñ aldağı könnärdä tağın da küp soğud ğaräbstanlınıñ qız urlayaçağı turında äytüen citkerä.

Berläşkän Ğaräp Ämirlekläreneñ “Äl-Emarat Äl-Yaum” säxifäse Omanga kitkän watandaşların Aedes aegypti çerkiye kiterep çığarğan çirgä qarşı iğ’tibarlı bulırğa çaqıra.

İspaniyanıñ “Äl Mundo” gazetı Madridta taksi yörtüçelärneñ Uber häm Cabify sistemaların tuqtatu öçen kümäk êş taşlaw çarasına çığarğa äzerlänülären citkerä.

Argentinanıñ “Klarin” säxifäse Argentinanıñ Berläşkän Millätlär Oyışmasınıñ Keşe xoquqları şurası başlıq urınbasarı wazıyfasına saylanuın xäbär itä.

Franśiyanıñ “Le Parisien” gazetı ildä daru citmäwçänlege küzätelüen, monıñ xalıqnıñ dürtän ber öleşenä tiskäre yoğıntı yasawın belderä.

”Nex 24” xäbär portalı Rusiyädä tuıp üskän häm Törkiyä watandaşı bulğan Anastasiya Çetinkayanıñ Törkiyädä mart ayında uzaçaq cirle saylawda namzät buluı turında yaza.

Germaniyanıñ “Deutsche Welle” media oyışması ildä qoral qullanu röxsäte aluçılar sanınıñ artuın xäbär itä.

Rusiyäneñ “RİA Novosti” xäbär säxifäse Yaponiyanıñ Rusiyägä Könyaq Kuril utrawlarına yaqın cirdä balıq totqan Yaponiya köymälärenä cäza birügä rizasızlıq belderüen uquçıları belän urtaqlaşa.

Rusiyädä çığuçı “İzvestiya” gazetı Rusiya Federaśiyäse tışqı êşlär ministrı urınbasarı Ryabkovnıñ urta häm qısqa radiuslı raketalarnı yuqqa çığaru kileşüe yazmışınıñ Amerika Quşma Ştatları qulında buluı turında äytüen citkerä.

 “Tatar-inform” mäğ’lümat agentlığı xäbär itkänçä, kiçä tatar xalqınıñ böyek şäxese,tanılğan cırçı İlham Şakirov  yaqtı dönyadan kitte ,anıñ  belän xuşlaşu comğa könne Qazannıñ Musa Cälil isemendäge opera häm balet teatrında bulaçaq.

Cırçını soñğı yulğa ozatırğa säğat’ irtänge 9dan kilergä mömkin. Räsmi cenaza çarası 11 säğat’tä başlana häm 12gä qadär däwam itä. 12 säğat’ 45 minutta isä “Märcani” mäçete qarşında cenaza namazı uqılaçaq.

İlham Şakirov Qazannıñ Yaña Bistäsendäge tatar ziratında cirlänäçäk.