Dönya matbuğatına küzätü 06.09.2017

Rusiyäneň “Sputnik” xäbär agentlığı “Ärdoğan M’yanma liderı belän Arakan xaqında söyläşte” isemle yazmasında Törkiyä ilbaşı Räcäp Tayyip Ärdoğannıň Arakandağı waqiğalar belän bäyle M’yanma liderı  Aung San Suu Çii belän telefonnan söyläşüe turında yaza.

Xäbärdän  kürengänçä, Ärdoğan arakan möselmannarına qarata xoquq bozularnıň artuınıň berençe çiratta İslam illäre bulu belän bergä böten dönyada tiran borçıluğa yul açuına basım yasadı.

 İke lider krizisnı çişü häm töbäk xalqına humanitar yärdäm ireşterü mäs’äläläre xaqında söyläşte.

Amerika Quşma Ştatlarınıň "Associated Press" xäbär agentlığı “Törkiyä M’yanmanıň Rohingya  xalqına yärdäm itäçäk” isemle yazmasında Törkiyä ilbaşı idaräse süzçese İbrahim Qalınnıň M’yanmağa berençe çit il yärdäm oyışması bularaq Törek xezmättaşlek häm koordinaŝiya agentlığı räsmi zatlarına kerergä häm berençe êtapta 1000 tonna yärdäm ireşterügä röxsät birelüe turında äytüen citkerä.

Qalın yärdämnärne höcmnär näticäsendä yözlärçä ğailä yotrsız-cirsez qalğan  Rakhaynnıň tön’yaq töbäge Maungtaw häm Buthi Taunga cibärü öçen Rakhine vilayät xökümäte belän xezmättäşlek başqarunı planlaştıruların citkerde.

İlbaşı idaräse süzçese aşığıç yärdäm paketlarında azıq-tölek häm kiyem-salım urın aluın belderde.

Azärbaycannıň “Trend” basması “Tışqı êşlär ministrı Çavuşoğlu Bangladeşqa kitä” isemle xäbärendä Törkiyä tışqı êşlär ministrı Mävlüt Çavuşoğlunıň arakanlı möselmannar qaluçı lager’ğa baru häm söyläşülär ütkärü öçen bügen Bangladeşqa kitäçäge turında yaza.

Diplomatik çığanaqlar beldergänçä, Mävlüt Çavuşoğlu Baqıda 6 nçı Törkiyä – Azärbaycan –Gruziya tışqı êşlär ministrlarınıň öç yaqlı cıyılışında qatnaşqannan soň Bangladeşqa kitäçäk.

 Çavuşoğlu Bangladeş räsmi zatları belän arakanlı möselmannarnıň soňğı wäzğiyäte xaqında söyläşäçäk , şulay uq arakanlı qaçaqlar qaluçı lager’ga da baraçaq.

Angliyäneň “Reuters” xäbär agentlığı Törkiyäneň Awrupa Berlege êşlärennän cawaplı ministrı häm baş söyläşüçe Ömär Çälikneň Awrupa Berlegenä kerü söyläşülären tuqtatu turındağı süzlärneň Awrupanıň töp prinŝiplarına höcüm buluı turında äytkän süzlären citkerä.