SpaceX компаниясы 60 байланыш спутнигин космоско жөнөттү

Америкалык ракета, спутник жана космос кемесин чыгаруучу SpaceX компаниясы Starlink (Старлинк) интернет спутник тармагына кирген дагы 60 байланыш спутнигин космоско жөнөттү.

Компаниянын билдирүүсүндө, Старлинк тармагынын 60 спутник тобу Америка Кошмо Штаттарындагы (АКШ) Флоридадагы Кеннеди космос борборунан SpaceX чыгарган Falcon 9 ракетасы менен учурулгандыгы маалымдалган.

Билдирүүдө, көп жолу колдонула турган Falcon-9 ракетасы учурулгандан 9 мүнөттөн кийин Жерге кайтып келип, компаниянын Атлантика океанындагы учкучсуз калкып жүрүүчү платформасына конгондугу айтылган.

Бул SpaceXтин Старлинк спутник желесинин долбоорунун алкагында 14-учурулушу болду.

Компания Старлинк спутниктери менен Жердин орбитасында 12 миң спутниктин желесин түзүүнү пландаштырууда.

Долбоор 2027-жылы аяктоого багытталган.