Фидан Африка континенти менен соода көлөмүнүн 40 миллиард доллардан ашканын айтты

Тышкы иштер министри Хакан Фидан 1-3-март күндөрүндө өткөрүлгөн 3-Анталья дипломатиялык форуму (АДФ) 2024түн алкагында Африканын тышкы иштер министрлери жана аймактык уюмдардын лидерлери менен жолугушту.

Дипломатиялык булактардан алынган маалыматка караганда Хакан Фидан өкүлчүлүккө кайрылуусунда Түркиянын Африка өлкөлөрү менен системалуу жана көп өлчөмдүү кызматташтык моделин өнүктүргөнүн баса белгилеп, карым-катнаштардын тең өнөктөштүк жана өз ара урматтоо принциптерине таянганын айтты. .

Түркиянын Африканын 44 өлкөсүндө элчиликтери бар экенин белгилеген Фидан континент менен соода көлөмүнүн 40 миллиард доллардан ашканын, Түркиянын аймактагы түз инвестициясынын көлөмүнүн 6 миллиард доллардан ашканын белгиледи.

Африканын дагы эле «неоколониал» державалардын күрөш аймагы экенин эске салган Фидан, континенттин өнүгүү, азык-түлүккө жетүү жана карыз сыяктуу көйгөйлөр менен күрөшүүдө Түркиянын колдоосуна көңүлдөрдү бурду.

Африканын көйгөйлөрүнө чечүүчү жолдун да континенттен табылышы керектигин белгилеген Фидан Түркия-Африка министрлердин талдоо конференциясынын үчүнчүсү өткөрүлөрүн билдирди.

АДФга Африка континентинин 9 мамлекет жана өкмөт башчылары жана 25 тышкы иштер министрлери катышты.