Нуман Куртулмуш АКШга каршылык көрсөттү

Түркия Улуу Улуттук Парламентинин спикери Нуман Куртулмуш Газадагы ок атышууга каршы чыккан АКШга каршылык көрсөттү.

Куртулмуш Стамбул Йени Йүзйыл университети 2023 - 2024  билим берүү жылынын ачылуу аземинде сөз сүйлөдү.

Израиль - Палестина маселесин Хамастын кол салуусунун натыйжасында пайда болгон бир маселе катары карабоо керектигин баса белгилеген Куртулмуш, бул маселенин Израилдин оккупациясындагы Палестинанын адилеттүү доосунун чечилбешинин табигый натыйжасы экенин айтты.

Нуман Куртулмуш : "АКШдан "Биз туруктуу ок атышпоого каршыбыз" деген билдирүүнүн келиши, артынан да бүгүн кайрадан Израилдин кол салууларын башташы уялтуучу абал",- деди. 

Куртулмуш 1967 - жылдагы чек аралар ичинде борбор шаары Кудс болгон Палестина мамлекетинин курулушу, еврей  баскынчыларын басып алган үйлөр менен айылдардан чыгарып, негизги ээлерине берилиши, Месжид  - и Акса башта болгон ыйык жерлерди коргоо шарттары түзүлбөстөн Жакынкы Чыгышта  тынчтыктын түзүлө албай тургандыгын баса белгиледи.  

Түркия Улуу Улуттук Парламентинин спикери : «Түркия катары эзилген Палестина элинин басма сөз катчысы болобуз, бул мааниде саясий талаптарын аткарабыз жана дүйнө тынчтыгынын орношуна Жакынкы Чыгышта тынчтык жана бейпилдикти орнотуу үчүн аракет кылабыз»,-деди.