Байрактар: «Энергетикада тышкы көз карандылыгыбызды азайтуу үчүн кадамдарды жасайбыз»

Энергетика жана жаратылыш ресурстары министри Алпарслан Байрактар ​​Сауд Арабия менен тоо-кен тармагында кызматташтык келишимине кол койгондорун жарыялады.

Министр Байрактар ​​ТРТ Хабер (Түркия радио жана телекөрсөтүү мекемеси)  каналында энергетика күн тартибине баа берди.

Түркиянын энергетика тармагындагы ийгиликтеринин уланганына көңүл бурган Байрактар ​​Сауд Арабиянын өнөр жай жана минералдык ресурстар министри Бандар бин Ибрахим Альхорайеф менен бүгүн министрликте жолугушкандарын жана өз ара инвестициялардан баштап кен казып алуу тармагында кызматташтыкка жол ача турган түшүнүшүү меморандумуна кол коюшкандарын айтты.

Байрактар ​​келишимдин электр унаалар жана күн панелдери сыяктуу тармактарда жаңы технологияларга муктаж болгон маанилүү кендер боюнча кызматташтыкты камтыганын белгиледи.

Сауд Арабиянын жашыл суутек, шамал жана күн панелдерине болгон кызыгуусуна көңүл бурган Байрактар ​​бул алкакта 5 миң мегаватт кубаттуулук максатташкандарын айтты.

Байрактар Кара деңиз газынын жана ​​Габарда мунайдын табылышынын Түркиянын энергетикада тышкы көз карандылыктан кутулуу үчүн чоң мааниге ээ экенин белгиледи.

Түркиянын Габар жана Сакария газ талааларынын чоңдугунда бир нече чалгындоо иштерине муктаж экенине көңүл бурган Байрактар: «Сентябрда Ванда бургулоо иштерин жүргүзөбүз. Ошондуктан бул жерлерден келе турган сүйүнчүлүү кабарлар, баалуулуктар жана өндүрүштөр менен тышкы көз карандылыгыбызды азайтуу үчүн кадамдарды жасайбыз»,-деди.