Ливандан Түркияга ыраазычылык...

Ливандын тышкы иштер министри Абдаллах Бухабиб министрликтин имаратын оңдоп, кайра пайдаланууга бергендиги үчүн Түркияга ыраазычылык билдирди.

Бухабиб, 1955-жылы курулган бирок көпчүлүгү бош турган Ливандын Тышкы иштер министрлигинин имаратынын Түрк Кызматташтык жана Координация Агенттиги (ТИКА) тарабынан оңдоп-түзөп жана жаңыланып пайдаланууга берилгенине байланыштуу билдирүү жасады.

2020-жылдын 4-августунда өлкөдө болгон чоң порт жарылуусунда ижара катары колдонулган Ливандын Тышкы иштер министрлигине таандык имараттын чоң зыянга учураганын эске салган Бухабиб:«Түркия 7 кабаттуу үйдүн 4 кабатын оңдоп берди»,-деди.

Бухабиб:«ТИКАга жана Түркиянын Тышкы иштер министрлигине терең ыраазычылык билдиребиз»,-деп айтты.

Жакында Америка Кошмо Штаттарынын (АКШ) Нью-Йорк шаарында тышкы иштер министри Хакан Фидан менен жолугуша тургандарын белгилеген Ливандын министри: «Эки өлкөнүн мамилеси абдан жакшы деп ойлойм. Аймактык жана эл аралык деңгээлде дагы көптөгөн тармактарда биргелешип иш алып барабыз. Бул карым-катнаштар дагы да бекемделет деп ишенебиз»,-деп айтты.