Министр Фидан Столтенберг менен жолугушту
Фидан менен Столтенбергдин Бельгиянын борбор шаары Брюсселдеги НАТОнун борборундагы жолугушуусунан кийин Түркия, Финляндия жана Швециянын делегацияларынын Швециянын мүчөлүк арызын талкуулоо үчүн жолугушуусу күтүлүүдө.
Тышкы иштер министри Хакан Фидан Швециянын НАТОго мүчөлүк арызы тууралуу Түркия, Швеция жана Финляндия делегацияларынын жолугушуусунан мурда НАТОнун баш катчысы Йенс Столтенберг менен жолугушту.
Фидан менен Столтенбергдин Бельгиянын борбор шаары Брюсселдеги НАТОнун борборундагы жолугушуусунан кийин Түркия, Финляндия жана Швециянын делегацияларынын Швециянын мүчөлүк арызын талкуулоо үчүн жолугушуусу күтүлүүдө.
Столтенберг уюштурган жыйынга Түркиядан тышкы иштер министри Хакан Фидан, Улуттук чалгындоо уюмунун төрагасы Ибрахим Калын, президенттин башкы кеңешчиси элчи Акиф Чагатай Кылыч жана тышкы иштер министринин орун басары, элчи Бурак Акчапар катышат.
Жыйында Финляндия менен Швециянын үч тараптуу меморандумдун негизинде, айрыкча террор менен күрөшүүнүн ар кандай өлчөмдөрү алкагында борбор шаар Анкарада 14-июнда өткөрүлгөн мурунку жолугушуудан бери таштаган кадамдарын карап чыгуу пландалууда.
НАТОнун Мадрид саммитинин алдында Түркия, Финляндия жана Швеция тарабынан 2022-жылдын 28-июнунда кол коюлган Үчтүк меморандум менен Туруктуу биргелешкен механизм түзүлгөн.
Бүгүн НАТОдо болгон сүйлөшүүлөр бул механизмдин бешинчи жыйыны болду.
