Чет өлкөдөгү өкүлчүлүктөрдө рекорддук катышуу
Чет өлкөдөгү өкүлчүлүктөрдө добуш берүү процесси 27-апрелде башталган.
14-май жекшемби күнү боло турган президенттик жана 28-чакырылыштагы парламенттик шайлоо үчүн чет өлкөдөгү өкүлчүлүктөрдө рекорддук катышуу менен 1 миллион 691 миңден ашуун киши добуш берди.
Жогорку шайлоо кеңешинин (ЖСК) шайлоо календарынын алкагында чет өлкөдөгү өкүлчүлүктөрдө добуш берүү процесси 27-апрелде башталып, ар кайсы жерде ар кандай болсо да 9-майга чейин чет өлкөдө жашаган 3 миллион 416 миң 98 шайлоочуга белгиленген өкүлчүлүктөрүндө добуш берүү мүмкүнчүлүгү берилген.
Аяктаган добуш берүүлөрдүн алкагында 1 миллион 691 миң 531 шайлоочу чет өкүлчүлүктөрдөгү шайлоо участкаларына барып добушун беришти. Ушундайча шайлоочулар чет өлкөлөрдө добуш берген 6-шайлоодо эң жогорку активдүүлүктү көрсөтүштү.
Кошумчалай кетсек, бажы бекеттеринде чет өлкөдөгү шайлоо тизмесине катталган шайлоочулардын саны 125 миң 479ге жетти.
Чет өлкөдөгү шайлоочулар 14-май Түркия убактысы боюнча саат 17:00гө чейин бажы бекеттеринде добуш бере алышат.
