Грециядан 250 тонна жардам келди
Жардам материалдарын ташыган 67 фура «Ипсала» чек ара капкасынан Түркияга кирди.
Греция тарабынан жер титирөө болгон аймакка жөнөтүлгөн 250 тонна жардам материалы Эдирнеге жетти.
«Кылымдын апааты» деп сыпатталган 6-февралдагы жер титирөөлөрдөн кийин Түркияга колдоосун уланткан Греция, борбор шаар Афинаны да камтыган Аттика аймагынан Түркияга 250 тонна гуманитардык жардам жөнөттү.
Жардам материалдарын ташыган 67 фура «Ипсала» чек ара капкасынан Түркияга кирди.
Азык-түлүк, кийим-кече, жууркан жана биринчи жардам каражаттарынан турган жардам кутулары жер титирөө болгон аймакка жөнөтүлүшү үчүн Эдирне станциясында поездге жүктөлдү.
Аттика аймагынын губернаторунун орун басары Василис Кокалис, аймактын экинчи жардам миссиясын Түркияга жеткиргендерин айтты.
Катуу жер титирөөдөн жабыркаган элге жардам берүү үчүн жардамдардын Аттика муниципалитеттери аркылуу чогултулганын белгилеген Кокалис: «Коңшу түрк калкынын жанындабыз жана эмнеге муктаж болсо алардын жанында болууну улантабыз»,-деди.
Тектеш кабарлар
Эрдоган Африка Биримдиги Уюмун куттуктады
Президент Режеп Таййип Эрдоган социалдык медиадан куттуктоо жарыялады.
Эмине Эрдоган Африка күнү менен куттуктады
Биринчи айым Эмине Эрдоган сациалдык медиа эсебинен билдирүү жарыялады.