Кереметтүү кутулуулар...

Кахраманмарашта 6-февралда болгон жана 10 облуста болгон 7,7 жана 7,6 баллдык жер титирөөлөрдөн кийин куткаруучу топтор өлүм менен өмүрдүн ортосунда калган кырсыктан жапа чеккендерге жардам колун сунуу үчүн катуу иштеп жатышат.

Урандылардын астынан куткарылган жандар  адамдардын жүрөгүн аз да болсо жылытат. «Кереметтүү куткаруулар» бүт Түркияны кыймылга келтирет.

Саламаттыкты сактоо министри Фахреттин Кожа жер титирөөдөн эң көп жабыркаган провинциялардын бири болгон Хатайда бир имараттын урандыларынан куткарылган кыздын сүрөттөрүн социалдык медиа эсебинен бөлүштү.

Министр Кожа, өз бөлүшүүсүндө: «150-сааттын сүйүнчүсү. Ал жаңы эле куткаруучу топтор тарабынан куткарылды. Ар дайым үмүт бар!»-деп маалымат берди.

140-саатта куткарылган Мухаммед жер титирөөнүн символдорунун бири болуп калды. 27 жаштагы Мухаммед Кахраманмараштагы жер титирөөдөн жабыркагандардын бири болгон, ал 6 күн урандылардын астында жаткан.

Анын жайгашкан жери жер астындагы сүрөткө тартуучу аппарат менен аныкталган. Ошондо ал да үмүтүн үзгөн жок, командалар да тыным берген жок. 10 саат иштеген куткаруучу топтор Мухаммедди урандылардын астынан алып чыгышты. Мухаммед жарыкка келери менен жаңы жашоосуна салам айтты.

Адьяманда издөө-куткаруу тобу 17 жаштагы Баранды куткарды.

Үмүттөр жер титирөөдөн кийин 139 саатта жаңырды. Хатайда 57 жаштагы Мажиде Хакемати урандылардын астында 140 саат күрөштү. Мехметчик ага жардамга келди. Мажиде урандылардын арасынан тирүү чыгарылды.

Жер титирөөнүн очогу болгон Кахраманмарашта издөө-куткаруу иштери күн бою уланды.

Жер титирөөдөн 137 саат өткөндөн кийин аман калган жер титирөөдөн жабыркагандар жүрөктөрдү жылытты.

Дагы бир үмүттүү кабар Адыямандан келди. Үйдүн урандыларынан бир аял жана бир эркек киши казылып чыгарылып, медициналык топторго өткөрүлүп берилди.

Хатай Антакьяда шахтерлор «талкаланган» үчүн эч ким кирбеген имаратка киришти. Куткарылган 6 жаштагы сириялык кызды кубануу менен тосуп алышты.

Хатайда жер титирөөдөн аман калган 60 жаштагы жаранга жардам колу сунулду. 138 саат урандылардын астында калган 60 жаштагы аял жашоо коридору түзүлүп, медициналык топторго өткөрүлүп берилди.

Хатайда 7 айлык Хамза Бебек үнүн ыйлап угузду. Ага куткаруучулар жардамга келишти. Жер титирөөнүн 140- саатында керемет бала жашоого кайтты.

Кереметтин дагы бир дареги Хатай болду. Бири 15, экинчиси 21 жаштагы сириялык эки жаш жигит менен байланышууга жетишилди.

Куткаруучулар сириялык Мухаммедге «дуба кылгыла, биз силерди ошол жерден алып чыгабыз» деп үн угузушту. Мухаммед куткарылышын тиледи. Эки өспүрүм 139 сааттан кийин чуңкурдан чыгарылды.

Кахраманмараштан үмүттүү кабар келди. Жер титирөөнүн 142-саатында бир карыя урандылардын астынан чыгарылды.Карыя тез жардам унаасы менен ооруканага жеткирилген.

Кахраманмараштагы жер титирөөнүн 7-күнүндө Кыргызстандан барган издөө-куткаруу тобу да урандылардын астынан 7 жаштагы Али Айчичек менен кош бойлуу аялды куткарды.