Президент Эрдоган TRT World форумунан дүйнөгө маанилүү маалыматтарды жарыялады

Президент TRT World форумунан дүйнөгө жарыялады:«Мен Путин жана Зеленский менен буудай кризисин талкуулайм»

 «Келечекти калыптандыруу: Белгисиздиктер, чындыктар жана мүмкүнчүлүктөр» темасы менен өтүп жаткан 6-ТРТ World Forum 2022нин ачылышында сөз сүйлөгөн Президент Режеп Таййип Эрдоган, учурдагы көйгөйлөргө байланыштуу дүйнөгө маанилүү билдирүүлөрдү берди.

40 өлкөдөн жана чет өлкөлөрдөн окумуштуулар, саясатчылар, журналисттер жана бейөкмөт уюмдар катышкан TRT World форумунун ачылышына Украинанын президенти Владимир Зеленский да түз видео байланыш аркылуу катышты.

«TRT World форумунун ийгилик тилкеси жыл сайын жогорулоодо»

Форумдун акыркы эки жылдан бери эпидемиядан улам онлайн түрдө өтүп жатканын белгилеген Эрдоган: «Бул жолу сиздер менен бетме-бет келгениме абдан кубанычтамын. Алтынчы жолу өтүп жаткан форум глобалдык гуманитардык, социалдык жана дипломатиялык өз ара аракеттенүү үчүн маанилүү аянтча болуп калганын көрүп турабыз. Жыл сайын экономика, саясат, коопсуздук, технология жана эл аралык мамилелер тармагындагы көптөгөн компетенттүү ысымдар бул платформада катышуучулар менен баалуу ой-пикирлерин бөлүшүү мүмкүнчүлүгүн табат. Глобалдык импульсту так чагылдырган темалардын алкагында пикир алмашуу адамзаттын алдында турган маселелердин чечилишине салым кошот»,-деп айтты.

Коммуникация тармагында иш алып баргандардын сүйлөшүүсү өлкөнү башкаруу жоопкерчилигин алган саясатчылардын көздөрүн ачканын белгилеген президент Эрдоган: «өлкөбүз, аймагыбыз жана бүткүл дүйнө үчүн маанилүү пайдаларды камсыз кылган ТРТ World форумунун жыл сайын ийгиликтин чегин жогорулатып жатканына толук ишенем»,-деди .

Түркиядан жана чет өлкөдөн катышып, форумдун мазмунун билими менен байыткан илим, медиа жана саясат коомчулугуна ыраазычылык билдирген Эрдоган: «ТРТнын жетекчилигин жана бул сонун программаны колдогон бардык мекемелерибизди куттуктайм жана форум пайдалуу болушун тилейм. ТРТ берүүлөрү, өндүрүштөрү жана ушул сыяктуу платформалары аркылуу эл аралык коммуникация каналдарында туруктуу из калтырган улуттук берүү мекемебиз. Адамдын биринчи принцибине таянып ишке ашырган долбоорлору менен көрүлбөгөндү көрүнүктүү кылган ТРТ, үнү жетпей калган массанын үнү катары миссиясын ийгиликтүү аткарууда»,-деп айтты.

«ТРТнын чыгарылыштары эң популярдуу программалардын арасында»

ТРТнын калыптанып калган стереотиптерге каршы чыгуу, туура маалыматты дүйнөгө жеткирүү жана айрым топтордун эл аралык берүүлөрдөгү монополиясын бузуу максатында үстөмдүк кылган медиа тартибине альтернатива сунуш кылганын белгилеген Эрдоган сөзүн мындайча улантты:«TRT World жана TRT Arabi менен башталган бул сапар 2020-жылы немис жана орус тилдеринде уктуруу санариптик каналдардын кошулуусу менен күчтөнүп жолун улантты. Француз жана Балкан тилдериндеги санарип каналдары менен эл аралык берүү аймагын кеңейткен ТРТ 2023-жылы испан жана перс санарип каналдарында өсүүнү улантат. Биздин максат – өлкөбүз менен бирге бүткүл дүйнөдө жакшылыктын, чындыктын жана акыйкаттыктын өкүлү болуу. Кудайга шүгүр, акыркы жылдары ар бир тармакта болгондой эле басма ишинде да чоң ийгиликтерге жетиштик. Айрыкча ТРТнын адамдык баалуулуктарды коргоого, сактоого жана даңазалоого негизделген мазмуну өлкө ичинде да, чет өлкөлөрдө да барган сайын популярдуу болууда. Телекөрүүчүлөр эң көп суроо-талапка ээ болгон жана кызыгуу менен ээрчиген программалардын арасында азыр ТРТнын өндүрүштөрү алдыңкы орунда турат».

Президент Эрдоган: «Бир убактарда чет элдик сериалдардын басып алуусуна дуушар болгон өлкөбүздө азыр дүйнөлүк деңгээлдеги кино, сериал жана даректүү тасмалар тартылууда»,-деди.

«Путин жана Зеленский менен жолугушам»

Трибунадан дан кризисине байланыштуу билдирүү берген президент Эрдоган: «Бул кризисти чечүү үчүн жекшемби күнү Путин мырза менен жолугушам, ошондой эле Зеленский менен да жолугушам»,-деп айтып сөзүн мындай улады: «Украинанын аймактык бүтүндүгүн катуу коргогонубуз менен, Орусияга карата акылга сыйбас саясаттар менен аймактагы отту тутантууга да каршы чыктык».

«Биз дан келишиминде Түркиянын лидерлигине да күбө болдук»

TRT World форумуна видео байланыш аркылуу түз эфирде катышкан Украинанын президенти Владимир Зеленский, азык-түлүк кризисинин бүт дүйнөгө таасир эткенин белгилеп, «Азык-түлүк кризиси бүт дүйнөнү каптады, бул менин оюмду далилдейт. Быйылкы азык-түлүк кризиси дүйнөлүк рынокто туруксуздукка алып келди. Азык-түлүк кризисинин терс таасирин ар түрдүү өлкөлөр, өзгөчө кээ бир Африка жана Азия өлкөлөрү сезишти»,-деп айтты.

«Эр жүрөк жоокерлерибиз Орусияга каршы салгылашып, дипломатиябыз аркылуу Кара деңиздеги 3 порттон жүк ташууну улантууну камсыз кылдык. Албетте, бул айыл чарба азыктарын керектөөчү өлкөлөр үчүн өтө актуалдуу абал жана бул биздин күчүбүз, Түркия, Украина жана БУУнун биргелешкен аракети менен биз өз укугубузду жана кызыкчылыктарыбызды чындап коргонубуз үчүн жакырчылык коркунучун токтоттук,», - деди Зеленский.

TRT World Forum 2022 эки күн бою Түркиянын тышкы иштер министри Мевлүт Чавушоглу, Украинанын президенти Владимир Зеленский, Албаниянын премьер-министри Эди Рама, Евробиримдиктин Түркиядагы делегациясынын башчысы Николас Мейер-Ландрут, Руанданын тышкы иштер министри Винсент Бирута, Румыниянын мурдагы премьер-министри Виктор Виорел Понта, АКШнын мурдагы тышкы иштер министринин орун басары Марк Т.Киммитт, Латвиянын экс-президенти Вайра Вике-Фрейберга, Дүйнөлүк саламаттыкты сактоо уюмунун башкы директору Тедрос Гебрейесус, Бириккен Улуттар Уюмунун Түркиядагы Туруктуу координатору Альваро Родригес, SOCARдын Түркия боюнча башкы директору Заур Гахраманов жана Европа парламентинин мүчөсү Рысзард Царнески сыяктуу маанилүү ысымдарды кабыл алат.

TRT World Forum 2022 TRT World Forum Twitter жана YouTube аккаунттарынан түз эфирде байкалса болот.