Түркияда маймыл чечек вирусунун учурлары

Саламаттыкты сактоо министри Фахреттин Кожа, Түркияда ушул убакка чейин маймыл чечеги оорусуна чалдыккан 5 бейтаптын аныкталганын билдирди.

Министр Кожа кечээ Президенттик комплексте өткөрүлгөн кабинет жыйынынан кийин журналисттердин суроолоруна жооп берди.

Маймыл чечек вирусу тууралуу суроого министр Кожа: "Ушул убакка чейин өлкөбүздө маймыл чечеги оорусуна чалдыккан 5 бейтап аныкталды. Бул 5 бейтапка филиация жасалып, алардын жакын чөйрөсү изоляцияланды. 4 бейтап толугу менен айыгып ооруканадан чыгарылды, бир бейтап болсо изоляцияда",- деди.

Оорулуулардын ден соолугунун жакшы экенин жана эч кандай көйгөйү жок экенин билдирген Кожа: "Бул биздин өлкө үчүн эндемикалык же глобалдык жактан пандемия коркунучун туудурбайт",-деп айтты.

Жаңы типтеги коронавирустун (Ковид-19) пандемиясында пайда болгон алгачкы варианттардын күчтүүрөөк жана зыяндуу болгонун белгилеген Кожа, Omicron вариантынын болсо жугуштуураак экенин бирок бейтаптарда жеңил өткөнүнө көңүл бурду.

Министр Кожа: «(Вакциналардын) Эскертүү дозаларынын сайылышын сунуштайм. Мындан тышкары, өзгөчө улгайган жарандарыбызды коргообуз керек»,-деди.