10-ноябрга карата чет өлкөлөрдө да эскерүү аземдери өткөрүлдү

Түркия Республикасынын негиздөөчүсү Гази Мустафа Кемал Ататүрк өлүмүнүн 83 жылдыгында Сидней, Мельбурн жана Брисбен менен бирге Австралиянын борбор шаары Канберрада да аземдер менен эскерилди.

Түркиянын Канберра элчилиги борбор калаадагы Ататүрк эстелигинде, Сидней жана Мельбурн башкы консулдугунун имараттарында жана Брисбен ардактуу консулдугу да Гелиболу Ататүрк эстелигинде «10-ноябрь Ататүрктү эскерүү» иш-чараларын уюштурду.

Аземдерге Канберра элчиси Корхан Каракоч, Сидней башкы консулу Али Севим, Мельбурн башкы консулу Ариф Эсер Торун, Брисбендеги ардактуу консулу Тургут Манлы, элчилик жана башкы консулдуктун кызматкерлери жана жарандар катышты.

Аземдерде сөз сүйлөөлөрдөн кийин Гази Мустафа Кемал Ататүрктү каза болгон саат 09:05те бир мүнөттүк унчукпай туруу менен эскеришти.

Андан соң улуттук гимн аткарылган аземдерде эстеликтерге гүл чамбарлар коюлуп, түрк желектери ылдый түшүрүлдү.

Пакистандын борбор шаары Исламабадда да Түркия Республикасынын негиздөөчүсү Гази Мустафа Кемал Ататүрктүн өлүмүнүн 83 жылдыгына карата эскерүү аземи өткөрүлдү.

Түркиянын Исламабаддагы элчилигинде «10-ноябрь Ататүрктү эскерүү» күнүнүн алкагында өткөрүлгөн аземге элчи Ихсан Мустафа Юрдакул, элчиликтин кызматкерлери жана түрк мекемелеринин өкүлдөрү катышты.

Элчи Юрдакул жана элчиликтин кызматкерлери Ататүрктүн эстелигине гүлчамбар калтырышты.

Улуу жол башчы Ататүрк өлүмүнүн 83 жылдыгында Азербайжандын борбор шаары Бакуда да азем менен эскерилди.

Ататүрк эстелигинин алдында өткөрүлгөн аземге Түркиянын Бакудагы элчиси Жахит Багжы, элчиликтин кызматкерлери, түрк мекемелеринин өкүлдөрү жана түрк окуу жайларынын студенттери катышты.

Элчи Багжы иш-чарада сүйлөгөн сөзүндө Мустафа Кемал Ататүрктүн жетекчилиги астында Түркиянын үлгүлүү заманбап өлкөгө айланганын айтты.

«10-ноябрь Ататүрктү эскерүү» күнүнүн алкагында Түркиянын башка өлкөлөрдөгү элчиликтеринде да программалар өткөрүлүүдө.