Чавушоглу Дендиаска көңүл айтты

Тышкы иштер министри Мевлүт Чавушоглу грек тышкы иштер министри Никос Дендиаска Грециядагы өрттөрдөн улам көңүл айтты.

Тышкы иштер министрлигинен берилген маалыматка ылайык, Чавушоглу Дендиаска телефон чалды жана Грециядагы өрттөр үчүн көңүл айтты.  

Грециянын тышкы иштер министрлиги да твиттерден берген маалыматында Чавушоглунун Дендиаска телефон чалып, өлкөдөгү өрттөрдөн улам тилектештигин билдиргендигин маалымдады.

Маалыматта эки тышкы иштер министринин оболу өз өлкөлөрүндөгү токой өрттөрүн көзөмөлгө алуу шарты менен бири бирине жардам берүүгө даяр экендерин белгилешкендери билдирилди.

Дендиас да 29 -  июлда тышкы иштер министри Чавушоглуна телефон чалып Түркиядагы өрттөрдөн улам көңүл айткан.