Зеленский Бодрумда эс алып кетти

Украинанын жаңы президенти Владимир Зеленский үй-бүлөсү менен чогуу келген Мугланын Бодрум районундагы эс алуусун аяктады.

Бодрумдун Гүвержинлик аймагындагы беш жылдыздуу отелде үч күн эс алган Зеленский жана үй-бүлөсү эртең мененки убактарда отелден жөнөп кетишти.

Зеленский кетип баратып аны узаткан жооптуу кызматкерлер менен өз-өзүнчө кол кармашып коштошту.

Президент Зеленский андан соң Милас-Бодрум аэропортунда Түрк аба жолдоруна таандык учак менен учуп кетти.

Бодрумдагы эс алуусунда жагымдуу элес калтырган Зеленский менен үй-бүлөсүнүн кубанычы фотосүрөттөргө да чагылган эле.

Украинада өткөрүлгөн президенттик шайлоонун экинчи айлампасында куудул Владимир Зеленский 73,22 пайыздык добуш менен биринчи болсо, атаандашы Петр Порошенко 24,45 пайыздык добуш алган болчу.