Түрк учкучтары F-35 согуштук учагы менен учуу билимин ала башташат
Бул туурасында жумалык басма сөздү маалыматтандыруу жыйналышында күн тартипке сереп салган полковник Мэннинг айтты.
АКШнын Коргоо министрлигинин (Пентагон) басма сөз катчысы, полковник Роб Мэннинг, Түркиянын F-35 согуштук учагынын учкучтары жана техникалык кызматкерлеринин жакынкы бир убакта Аризонада учуу билим алууларын баштай турганын жана АКШ өкмөтүнүн Түркиянын F-35 программасына кошулуусу темасында азырынча кандайдыр бир чечим чыгара электигин айтты.
Жумалык басма сөздү маалыматтандыруу жыйналышында күн тартипке сереп салган полковник Мэннинг: «Түркиянын эки F-35 учагынын Аризонадагы Лук аба күчтөрү базасына барганын билебиз. Түрк учкучтары жана техникалык кызматкерлери да Лук аба базасына келишти жана кыска мөөнөттүн ичинде учуу академиясын башташат»,-деди.
Учурдагы келишимдердин алкагында учактын бир топко дейре АКШда байкоодо боло турганын белгилеген Мэннинг, бул мөөнөттүн учакты ала турган өлкөнүн учкучтарынын билим алууларынын бүтүрүлүшүнө байланыштуу экенин жана мунун орто эсеп менен 1-2 жылды алаарын белгилеп өттү.
АКШнын Конгрессинде F-35 согуштук учагынын Түркияга берилишине бөгөт коюуга карай аракеттер болгонуна да токтолгон Мэннинг: «АКШ өкмөтү, азырынча Түркиянын F-35 орток чабуул учак программасына катышуусу темасында чечим чыгарган жок. Түркия жакын жана маанилүү НАТО шериктеши, ошондй эле 2002-жылдан бери F-35 программасынын эл аралык катышуучусу болуп саналат»,-деп айтты.
Ошол эле жыйналышта сөз сүйлөгөн Пентагондогу биргелешкен программалар бөлүмүнүн катчысы подполковник Майк Эндрюс дагы Аризонада билим алган түрк учкучтарынын бир-эки айдын ичинде учууларын баштай турганын тастыктады.
Саясат өзгөрүүсү болгон учурунда Түркиянын мүлктүк укугун өткөрүп алган F-35 согуштук учагын алып албай турганы жөнүндөгү суроого подколковник Эндрюс: «Сенат (F-35 учагынын Түркияга берилишине) бөгөт коюу үчүн добуш берди. Конгресстин бир добушу бар. Президенттин да бир добуш укугу бар. Ошондуктан бул жерде менден спекуляция кылуумду талап кылуудасыздар»,-деп жооп берди.
Тектеш кабарлар
Вице-президент Йылмаз Өзбекстанда
Вице-президент Йылмаз жолугушууга байланыштуу билдирүүсүндө төмөнкүлөргө токтолду.