Түркияда президенттикке талапкерлердин так тизмеси жарыяланды

Жогорку шайлоо кеңеши (ЖШК) президенттик шайлоого катыша турган талапкерлердин так тизмесин жарыялады.

Расмий гезитте жарыяланган ЖШКнын жарлыгында, 24-июнда боло турган президент жана 27-чакырылыштагы эл өкүлдөрүн шайлоолордо орун ала турган президенттикке талапкерлердин ысымдары орун алды.

Жогорку шайлоо кеңешинин 9-майдагы 2018/426 номердүү жана кошумчасы, президенттик шайлоонун убактылуу талапкер тизмеси Расмий гезиттин 10-майдагы 30417 номердүү санында жарыяланган болуп, Президенттик шайлоонун убактылуу талапкер тизмесине 11-май жума күнү саат 17:00ге чейинки арыздарга Жогорку шайлоо кеңеши тарабынан баа берилип, каршы чыгуулардын четке кагылышына чечим чыгарылды.

Бул баа берүүлөрдүн жыйынтыгында Президенттик шайлоого катыша турган талапкерлердин так ысымдары алфавиттик тизме менен; Догу Перинчек, Мерал Акшенер, Мухаррем Инже, Режеп Таййип Эрдоган, Селахаттин Демирташ жана Темел Карамоллаоглу деп белгиленди.

Жарлыкта талапкерлердин туулган күндөрү жана бүтүргөн университеттери боюнча маалыматтар да орун алды.