Стамбулдагы кол салууга карата өлкө тышынан каршы чыгуулар

Германиянын канцлери Ангела Меркель Ататүрк аэропортунда болгон террордук кол салууну айыптады. Меркель : «Бардык түрк калкына террор менен күрөшүүдө бирдикте экендигибизди жана бир бирибизди колдой тургандыгыбызды айткым келет»,- деди. Франциянын президенти Франсуа Оллан да  : «Бул кол салууну катуу айыптаймын. Түркияда бир биринин артынан болгон кол салуулардан санааркап жатам»,- деди. Франциянын премьер – министри Мануэль  Валлс болсо өлкөсүнүн терроризмге каршы түрктөрдүн жанында экендигин баса белгиледи.

Италиянын премьер – министри Маттео Рензи да социалдык бөлүшүү сайтынан берген маалыматта : «Түрк калкынын санаасын бөлүшөбүз. Бардык жерде террорго каршыбыз»,- деди.

Сауд Аравиянын королу Селман бин Абдүлазиз президент Эрдоганга көңүл айтты. Ирандын тышкы иштер министри Мухаммед Жевад Зариф болсо социалдык медиадан : «Террор дагы бир жолу жаман жүзүн көрсөттү. Зомбулук дүйнөнү коркуткан ашыкчалык. Дайыма бирдикте аны менен күрөшүүбүз керек»,- деди.

АКШдан да кол салууну айыптаган маалыматтар келүүдө. Ак үй кол салууну айыптап Барак Обаманын да абалдар тууралуу маалыматтандырылганы билдирилди. Американын өкүлдөр парламентинин төрагасы Пол Райан : «Терроризм эч качан жеңиш менен чыкпайт. Бул кол салууга каршы союздашыбыз Түркиянын жанындабыз»,- деди.

Америка копмьютер дөө – шаасы Appleдын СЕОсу Тим Кук кол салуу тууралуу социалдык медиа эсебинен түркчө маалымат жарыялады. Маалыматта : « Дуаларыбыз түрк калкы үчүн»,- деп айтылды. Бир тараптан испаниялык ырчы Энрике Игласяс да социалдык медиа эсебинен : «Жүрөгүм сени менен Стамбул»,- деп бөлүштү.

Американын санариптик Huffington Post медиа мекемеси кол салууда каза болгондордун элесине кызыл гүл менен түрк байрагын жанаша койгон логотип жарыялады.