Азербайжандан Индияга чакырык салынды

Азербайжандын президентинин кеңешчиси Хикмет Хаджиев Индиянын Бакудагы элчиси Сридхаран Мадхусудханандан Арменияга курал-жарак берүүнү токтотууну өтүндү.

Хаджиев, Азербайжан Армения менен тынчтык келишимин түзүү боюнча сүйлөшүүлөрдү жүргүзүп жаткан учурда Индиянын бул өлкөгө өлүмгө алып келген курал-жарактарды берүүсү Армениянын милитаризацияланышына жана кырдаалдын курчушуна алып келгенин, Түштүк Кавказдагы туруктуу тынчтыктын жана коопсуздуктун орношуна тоскоол болгондугун белгиледи.

Бул абалдын Индиянын эл аралык укуктун нормаларына жана принциптерине негизделген тышкы саясатына жана бул өлкө мүчө болгон Кошулбоо кыймылынын тарыхый Бандунг принциптерине карама-каршы келерин белгилеген Хаджиев, элчи Мадхусудханандан Азербайжандын тынчсыздануусун Дели администрациясына билдирүүнү суранды.

Хаджиев ошондой эле Индияны Арменияга өлүмгө алып келген курал-жарактарды жеткирүү боюнча чечимин кайра карап чыгууга чакырды.

Азербайжан басма сөзүндө Индиядан келген аскердик жүктөрдүн Иран аркылуу Арменияга жеткирилгени аныкталганы кабарланды.