Азербайжан-Армения макулдашуусу

Азербайжан Армения менен «Тынчтык жана мамлекеттер аралык мамилелерди орнотуу боюнча эки тараптуу келишимдин» долбоорунун кээ бир беренелеринде макулдашуу түзүлгөнүн жарыялады.

Азербайжандын Тышкы иштер министрлиги, 1-4-мартта АКШнын мамлекеттик катчысы Энтони Блинкендин кожоюндугунда Азербайжандын тышкы иштер министри Жейхун Байрамов жана Армениянын тышкы иштер министри Арарат Мирзояндын жетекчилигиндеги эки өлкөнүн делегацияларынын АКШда өткөргөн жолугушууларына байланыштуу жазуу түрүндө билдирүү жасады.

Билдирүүдө: «Министрлер жана аны коштоп барган делегация мүчөлөрү «Тынчтык жана мамлекеттер аралык мамилелерди орнотуу боюнча эки тараптуу келишимдин» долбоорунун айрым беренелеринде бирдей пикирге келишип, кээ бир негизги маселелер боюнча позициялардын башкача бойдон калганын да моюнга алышты», - деп айтылды.

Ошондой эле сүйлөшүүлөргө кожоюндук кылган АКШга ыраазычылык билдирилип, тараптардын сүйлөшүүлөрдү улантуу боюнча макулдашкандары белгиленди.