Түрк Мамлекеттери Уюму: «Казакстанга колдоо көрсөтүүгө даярбыз»

Түрк Мамлекеттери Уюму Казакстандагы окуяларга байланыштуу тилектештик билдирүүсүн жарыялады.

Уюмдун билдирүүсүндө: «Түрк Мамлекеттери Уюмуна мүчө өлкөлөр Казакстандагы акыркы окуялардан улам Казакстанда тынчтык жана ырааттуулукка маани бергенибизди баса белгилеп, мүчө өлкө Казакстан менен бекем тилектештигибизди билдиребиз»,-деп айтылды.

Казак элинин акыл-эстүүлүгүнө жана нормалдуу жашоого кайтууга умтулуусуна ишенгендерин баса белгилеген уюмга мүчө мамлекеттер: «Биз казак бийлигинин тынчтыкчыл жол менен маселени чечүүгө, тартип жана бейпилдикти калыбына келтирүүгө дарамети бар деп эсептейбиз. Казакстандын өкмөтүнө жана элине алар муктаж болгон бардык колдоолорду көрсөтүүгө даяр экенибизди билдиребиз»,-деп кабарлашты.

Ошондой эле окуяларда каза болгондорго байланыштуу көңүл айтылып, жаракат алгандар үчүн тез сакайып кетүү тилеги билдирилди.

Казакстан Түрк Мамлекеттери Уюмунун Азербайжан, Түркия, Кыргызстан жана Өзбекстан менен биргеликте  5 мүчөсүнүн бири болуп саналат.

Түркмөнстан менен Венгрия болсо уюмга байкоочу мүчө мамлекеттердин катарында.

2009-жылы Түрк Кеңеши деген ат менен негизделген уюм 2021-жылдын ноябрь айында Түркияда өткөн саммитте азыркы аталышын алган.