Эрдоган менен Алиев «Шуша Декларациясына» кол койду

Президент Режеп Таййип Эрдоган менен Азербайжандын президенти Илхам Алиев эки өлкөнүн ортосундагы «Шуша декларациясына» кол коюшту.

Президент Эрдоганды Алиев 28 жылдан кийин Армениянын оккупациясынан бошотулган Тоолуу Карабахтын символикалуу шаары болгон Шушада расмий салтанат менен тосуп алды.

Шуша губернаторлугундагы тосуп алуу аземинен кийин Алиев менен Эрдоган жекеме-жеке жолугушуу өткөрүштү.

Жолугушуудан кийин Эрдоган менен Алиев эки өлкөнүн ортосундагы «Шуша декларациясына» кол коюшту.

Президент Эрдоган биргелешкен маалымат жыйынында «Шуша декларациясы» эки мамлекеттин жаңы мезгилге карата мамилелеринин жол картасын аныктаганын айтты.

44 күндүк согуштан кийин Карабах өз ээсинин колуна өтүп, армян баскынчылыгынан бошотулганын белгилеген Эрдоган: «Азербайжан элинин Карабахтагы жеңишин дагы бир жолу куттуктайм»,-деди.

Эрдоган, Түркия катары көз карандысыздык үчүн күрөшүүдө болгону сыяктуу кайра куруу иш-аракеттеринде дагы Азербайжанга ар тараптуу салым кошууну уланта тургандарын билдирди.

Карабахтын мурдагы даңкын жана өзгөчөлүгүн кайтарып алаарын айткан Эрдоган, бир тараптан кыйроонун ордун толтуруу менен бирге Карабах жана Азербайжан жерлеринин кайрадан мындай кырсыкка кабылбашы үчүн керектүү чараларды көрө тургандарын айтты.

Бардыгын Азербайжандын жеңишин кабыл алууга чакырган президент Эрдоган: «Биз Армениянын ага сунулган жакшы ниет жана тилектештик колун кармоо мүмкүнчүлүгүн туура пайдаланат деп үмүттөнөбүз. Бул аймактын Алтылык аянтчада (Россия, Түркия, Азербайжан, Армения, Грузия жана Иран) тынчтыкта ​​болушун каалайбыз. Биз бир тууганым (Алиев менен) ар кандай иш-аракеттерди жан аябастан чогуу жасоого даярбыз»,-деди.

Жакынкы айларда Жогорку деңгээлдеги стратегиялык кызматташтык жолугушуусун Түркияда өткөрө тургандарын белгилеген Эрдоган, 1-апрелде башташкан өздүк күбөлүгү менен саякаттоо өз ара карым-катнаштарды жеңилдетип, эки өлкөнүн бири-бирине жакындашуусуна шарт түзөрүн белгиледи.

Эрдоган ошондой эле Түркия катары мүмкүн болушунча эртерээк Шуша шаарына башкы консулдук ачууну пландаштырып жатышканын билдирди.

Азербайжандын президенти Алиев дагы «Шуша декларациясы» эки өлкөнүн келечектеги кызматташтыгынын кепилдиги экендигин айтты.

Президент Эрдогандын Карабах согушу башталгандан бери Азербайжанды ачык колдой тургандыгын жарыялаганын эскерткен Алиев мындай деди: «Согушта түрк элдеринин тилектештигин көрдүк. Түркиянын колдоосун эч качан унутпайбыз»,-деди.

Алиев, Түркия менен Азербайжандын ортосунда кол коюлган «Шериктештик келишимдин» 100 жыл мурун кол коюлган Карс келишимине таандык экендигин айтты.