Азербайжан Армениянын учкучсуз аба унаасын атып түшүрдү
Армения бир аскердин жаназасын берген жок
Азербайжан Армения тапшырган азербайжандык аскерлердин жаназаларында кыйноо издеринин аныкталганын билдирди.
Азербайжандын тышкы иштер министрлигинин катчысы фронт жолунда аскер жаназаларын тапшыруу келишиминен кийин Армения тапшырылган аскерлерге кыйноо жасалганы аныкталганын билдирди. Катчы Армениянын бир аскер жаназасын бербестен Женева келишимдерине тескери кыймыл кылганын, бул абалга үнсүз калган арачы мекемелердин болсо так бир мамиле көрсөтө албаганын баса белгиледи.
Эл аралык Кызыл Крест комитетинин 1 азери аскеринин жаназасынын армян тарабынын колунда экендигин билдиргенине карабастан, Армения башкаруусу ушул кезге чейин тапшыра элек. Ошол эле учурда Азербайжан аскерлери фронт жолунда чалгындоо учууларын аткарган Армения учкучсуз аба унаасын атып түшүрдү.
Азербайжан коргоо министрлиги буктурмалар үстүнөн чалгындоо учууларын аткарган, Армения армиясына таандык X-55 моделиндеги учкучсуз аба унаасынын атып түшүрүлгөнүн жарыялады. Министрлик атып түшүрүлгөн учкучсуз аба унаасынын фотографияларын коомчулук менен бөлүштү. Министрликтин башка бир маалыматында Армения армиясынын акыркы 24 саатта 121 жолу ок атууларды токтотуу эрежелерин бузганы, Азербайжан армиясынын да 126 жолу жооп кайтарганы билдирилди.
