Кадимки кычкыл суутегинин (перекись водорода) пайдасы...
Кадимки кычкыл суутегинин (перекись водорода) күнүмдүк жашоодо көп пайдасы тиерин көпчүлүгү биле бербесе керек. Андыктан, аталган затты кандай учурда колдонууга болорун маалымдайбыз.
![Кадимки кычкыл суутегинин (перекись водорода) пайдасы...](http://cdn.trt.net.tr/images/xlarge/rectangle/0dcf/3320/f36d/574b40c4b5cdb.jpg?time=1718466035)
1. Кийимдериңизди жууганда атайы агарткычтарды колдонбой эле койсоңуз болот. Анткени, 7 килолук кир жуучу машинаңызга 100гр кычкыл суутегин кошуп койсоңуз, кийимдериңиздеги тактарды кетирип, агартат жана кир жуучу машинаңызды тазалайт;
2. Идиш жуучу каражаттардын ордуна 50гр. кычкыл суутегин кошуп койсоңуз, идиштеги микробтордон арылтат;
3. Жер-жемиштерди кол менен суртүп жуубастан, 5 литр сууга кычкыл суутегинин 100 граммдык стакандын 4/1 бөлүгүн кошуп аз убакытка чылап коюп, коркпостон жей берсеңиз болот;
4. Ошондой эле кычкыл суутегин жылуу суу менен аралаштырып, даяр болгон аралашмага 20 мүнөт бутту кызыл ашыкка чейин салып олтуруп, чор таманды жумшартууга болот;
5. Эгерде кулагыңыз кычышып, ооруса, кычкыл суутегинен 2 тамчы тамызып койсоңуз, кулактын ичиндеги инфекцияны өлтүрүп, ооруну басаңдатат;
6. Кычкыл суутегинин жардамы менен кийимдеги жагымсыз жытты кетирүүгө болот.
2 даана суюк самын, 2 аш кашык содага 400гр. кычкыл суутегин кошуп, даяр болгон аралашманы кийимге сүртүп, бир аздан соң жууп салыңыз;
7. Жаш балдардын оюнчугун дагы кычкыл суутегин чачып тазалоого болот;
8. Терезеңиздин көз уялтып жылтырашын кааласаңыз, кычкыл суутеги кошулган сууга жууңуз;
9. Кийимдеги такты кетирүү үчүн: кычкыл суутеги менен унду аралаштырып ботко даярдап аласыз. Даяр болгон аралашманы кийимдин так болгон жерине сүртүп, бир түнгө калтырып, эртең менен жөн гана жууп койсоңуз, жыйынтыгы сиз күткөндөй болот;
10. Ваннадагы кара тактарды кетирип, агартам десеңиз, ага кычкыл суутегин чачып, 30 мүнөткө калтырып коюңуз. Айтылган убакыттан соң, жөн гана жылуу суу менен жууп койсоңуз, жыйынтыгы сизди кубандырбай койбойт.