Парижде түрк скрипка виртуозу жер титирөөдөн жабыркагандар үчүн сахнага чыкты
Концертке ЮНИСЕФтин Париж Сен-Денис комитетинин төрагасы Кэрол Бретос да катышты.
Франциянын борбор шаары Парижде түрк скрипка виртуозу Барту Элчи-Өзсой жана француз пианист Клемент Кайлиер, очогу Кахраманмараш болгон 6-февралдагы жер титирөөлөрдөн таасирленген Түркия жана Сириядагы жабыркагандар үчүн концерт беришти.
Түрк музыканты Элчи-Өзсойдун демилгеси менен Париждеги Hotel de Soubise мейманканасында ишке ашырылган жана Франциянын президенти Эммануэль Макрондун көзөмөлүндөгү Jeunes Talents коому тарабынан уюштурулган концерттен түшкөн каражат Түркия жана Сириядагы жер титирөөлөрдөн жапа чеккен балдар үчүн жумшалат.
Концерттен түшкөн каражат Бириккен Улуттар Уюмунун Балдар фондуна (ЮНИСЕФ) жана анын Түркия жана Сириядагы топторуна которулат.
RecitHall платформасында түз эфирде берилген концертте түрк скрипка виртуозу Элчи-Өзсой менен француз пианист Caillier «Түркия жана Сириядагы жер титирөөдөн жабыркагандар үчүн кайрымдуулук кылуу» чакырыгын салды.
Концертке ЮНИСЕФтин Париж Сен-Денис комитетинин төрагасы Кэрол Бретос да катышты.
Акцияга салым кошууну каалагандар ЮНИСЕФтин сайтында 24-апрелге чейин кайрымдуулук кыла алышат, ал эми концертти ошол күнгө чейин RecitHall платформасынан көрө алышат.
