Италияда түркиялык жаш пианистка биринчиликти багындырды

Музыкага жөндөмдүүлүгү 4 жашында байкалган Нехир Өззенгин, Италияда уюштурулган Эл аралык «Никола Ди Стефано» атындагы пианино сынагында биринчиликти алды.

Яшар университетинин маалымдоосуна караганда университеттин Туруктуу билим берүү борборунун музыка академиясынын окуучусу Өззенгин, музыка сабактарын 10 жылдан бери тынымсыз алууда.

Өззенгин Италиянын Пуглия аймагында өткөн Эл аралык «Никола Ди Стефано» атындагы пианино сынагында өз категориясында биринчиликке ээ болду.

Измирдик жаш талант ушундайча Италиянын маанилүү музыка фестивалдарынан Арс Нова музыка фестивалында концерт берүүгө жолдомо алды.

Акыркы эки жылда 6 эл аралык ийгиликке жетишкен Өззенгин, өткөн жылы Италиядагы 26-Эл аралык Кортемилиа пианино сынагында биринчилик, Эл аралык Моцарт Академиясынын пианино сынагында экинчилик жана үчүнчүлүк, Эл аралык Сезар Франк менен Эл аралык Искья пианино сынактарында экинчиликке ээ болгон.

Билдирүүдө баа берүүлөрүнө орун берилген 14 жаштагы Өззенгин, музыканын ар дайым жашоосунда орун алышын каалаганын айтты.

Сынактарда өлкөсүн эң мыкты түрдө өкүлдүк кылууну максаттаганын баса белгилеген Өззенгин: «Ата-энеси тарабынан колдоого алынган ар бир баланын сөзсүз бардык тармакта абдан ийгиликтүү болооруна ишенемин. Аңгемемди үлгү кылып алган көп сандаган кыз баланын мени менен байланышууга аракет кылышы өзүнчө бакыт тартуулайт. Сыйлыктарым бардык кыз балдарына илхам болуусун улантат деп ойлойм»,-деп айтты.