Түркияга эң көп немис жана орус туристтер келишти

Түркияга эң көп немис жана орус туристтер келишти.
Маданият жана туризм министрлигине караштуу Таанытуу башкармалыгынын мүдүрү Ирфан Өнал, жүргүзүлгөн ийгиликтүү таанытуу иш-чараларынын негизинде Түркия 2015-жылы да орус жана немис туристтердин көздөгөн жери болоорун белгиледи.
Өнал, аймакта жана коңшу өлкөлөрдө болуп жаткан маселелерге карабастан туризмде маанилүү кадамдар ташталгандыктан Түркияны 2023-жылга карата туризм максаттарына ишенимдүү жакындатканын айтты.
Маданият жана туризм министрлигинин көрсөткөчтөрүнө караганда, Түркияга келген орус туристтердин саны 2001-жылдан бери 563 пайыз өстү.
Өткөн жылы 1 миллион 695 миң 133 орусиялыкты тосуп алган Түркия жылдын биринчи алты айында 1 миллион 923 миң 811 орусту коноктоду. Түркияга келген орустардын 78 пайызы Антальяга, 14 пайызы болсо Стамбулга келди.
Өткөн жылы Түркияга эң көп турист жиберген өлкө 5 миллион 41 миң менен Германия болгон. Быйыл болсо Орусиядан кийин экинчи орунда турган Германиядан жылдын биринчи жарымында 1,9 миллион турист Түркияга келди.