Эверестке чыккан непалдык альпинист бир айдын ичинде экинчи жолу дүйнөлүк рекордду жаңылады

Непалдык альпинист Ками Рита дүйнөнүн эң бийик чеги болгон Эвересттин чокусуна 30-жолу жетип, бир айдын ичинде экинчи жолу дүйнөлүк рекорд койду.

Өкмөт өкүлдөрүнөн Хим Лал Гаутам, Ританын 8 миң 848 метрлик чокуга жергиликтүү убакыт боюнча саат 08:00дө жеткенин айтты.

Ушундайча Рита ушул айда экинчи жолу чокуга чыгуу менен өзүнүн рекордун жаңылады жана "Эверестти эң көп багынткан адам" наамын сактап калды.

Эверестке биринчи жолу 1994-жылы чыккан 54 жаштагы Рита 12-майдагы 29-чыгуусунан кийин 30-ирет чокуга чыкты.

Непалдын апрель-июнь айларында улана турган альпинисттердин Эверестке чыгуусуна уруксат бергени маалымдалды.

Өткөн жылы 600дөн ашык альпинист Эверестке чыга алса, 18 альпинист каза болгон.