Ханийе: «Ок атышпоо сунушун кабыл алдык, бирок Израил чабуул менен жооп берди»
Исмаил Ханийе Накбанын (Улуу Апаат) 76-жылдыгына байланыштуу сүйлөгөн сөзүндө Израилдин тарыхый Палестина жерлеринде курулганын жарыялагандан бери 76 жыл өтсө да, Израилдин «жок болуу» коркунучунун дагы эле уланып жатканын айтты.
Хамас кыймылынын саясий бюросунун башчысы Исмаил Ханийе Газада ок атышпоо сунушун кабыл алгандарын, бирок Израилдин буга Рефах шаарына чыныгы кургактыктан кол салуу менен жооп бергенин айтты.
Исмаил Ханийе Накбанын (Улуу Апаат) 76-жылдыгына байланыштуу сүйлөгөн сөзүндө Израилдин тарыхый Палестина жерлеринде курулганын жарыялагандан бери 76 жыл өтсө да, Израилдин «жок болуу» коркунучунун дагы эле уланып жатканын айтты.
Египет, Катар жана Америка Кошмо Штаттарынын (АКШнын) арачылыгы менен Газада ок атышпоо сүйлөшүүлөрүнө толугу менен оң мамиледе экендиктерин белгилеген Ханийе: «Хамас Газада ок атышпоо жана туткун алмашууну камсыз кылуу үчүн арачы болгон Египет менен Катардын аракеттерин кубаттады. Баскынчы Израиль болсо Рефах чек ара дарбазасын басып алып, Рефах шаарына иш жүзүндө кургактыктан кол салуу менен жооп берди»,-деп айтты.
Ханийе Хамастын башка палестин топтору менен бирге Газадагы согушту токтотуу аракетин уланта турганын баса белгиледи.
АКШнын ок атышпоо сүйлөшүүлөрүнүн саботаж кылынганы боюнча Хамасты айыптоосун улантып жатканын эске салган Исмаил Ханийе, мунун Газадагы геноцидди аскердик жана саясий жактан колдогон АКШнын Израиль тарапта болушун улантып жатканынын көрсөткүчү экенин айтты.
Газага кол салууларын уланткан Израилге каршы ташталган кадамдарга көңүлдөрдү бурган Ханийе, Түркиянын Израиль менен соодасын токтотуусу жана Түштүк Африканын Израилге каршы козгогон геноцид ишинде кошулуусу аларды канагаттандырганын айтты.
