Гебреисус: "Газада 27 бала жетишсиз тамактануудан каза болду"
Гебреисус X социалдык медиа платформасынан Газадагы балдардын өлүмү тууралуу билдирүү жасады.
Дүйнөлүк саламаттыкты сактоо уюмунун (ДССУ) башкы директору Тедрос Аданом Гебреисус, Израилдин кол салуулары башталган 7-октябрдан бери Газада 27 баланын жетишсиз тамактануунун айынан каза болгонун жарыялады.
Гебреисус X социалдык медиа платформасынан Газадагы балдардын өлүмү тууралуу билдирүү бөлүштү.
«2023-жылдын октябрынан бери Газада 27 баланын жетишсиз тамактануудан каза болгону кабарланды» деген Гебреисус, тез арада ок атышпоо түзүлүп, жардамдын бөлүштүрүлүшүн көбөйтүү үчүн коопсуздук түзүлбөсө бул сан дагы да көбөйө турганын эскертти.
Хамастын аскердик канаты Изз ад-Дин аль-Кассам бригадалары 7-октябрь күнү эртең менен Израилге каршы «Акса топону» деп аталган кеңири чабуулун баштаганда, Израил армиясы да ондогон согуштук учактары менен Газа тилкесине чабуул жасай баштаган.
