Доминиканда түрмөдө өрт: 11 адам каза болду

Доминикан Республикасында түрмөдөгү өрттүн кесепетинен 11 адам каза болду.

Жергиликтүү маалымат каражаттары маалымдагандай, борбор калаа Санто Домингодогу Ла Виктория улуттук түрмөсүндө белгисиз себеп менен өрт чыкты.

Өрттөн абакта жаткан 11 киши каза болуп, түтүндөн жабыркагандардын айрымдары ооруканага жеткирилди.

Башкы прокуратура окуя боюнча тергөө иштерин баштап, 300 кишинин башка абакка которулгандыгы кабарланды.