80 миң палестиналык Месжид - и Аксада намаз окуду

Израилдин чыгарган кыйынчылыктарына жана тоскоолдуктарына карабастан 80 миң палестиналык рамазан айынын биринчи жума намазын Месжид  -  и Аксада окуду.

Он миңдеген палестиналык таң эртеден баштап Батыш Шериа менен Кудустун ортосундагы аскердик көзөмөл пункттарынан өтүп, Аксаны көздөй бет алды. Көптөгөн саатка созулган сапардан кийин Месжид  - и Аксага барган палестиналыктар рамазан айынын биринчи жума намазын бул жерде окушту.

Месжид  -  и Аксанын имамы Хатиби Шейх Икриме Сабри жума кутбасында  Израилдин чектөөлөрүнө карабастан Аксага баргандардан мактоо менен сөз кылды.

Сабри мусулмандарга Месжид  -  и Аксага келүү чакыруусун кайталады.

Жума намазын окуу үчүн Месжид   - и Аксага кирүүнү каалаган палестиналыктардын күбөлүктөрүн текшерген Израиль полициясы көп сандаган палестиналыкты өзгөчө да белгилүү жаш тобундагы кишилерди  кайра кайтарды.

Чыгыш Кудс жана Батыш Шериа  1967 -  жылдан бери Израилдин оккупациясы астында.