Орусиядагы мунай иштетүүчү заводго учкучсуз учуучу аппарат менен кол салуу болду

Орусиянын түштүгүндөгү эң ири мунай иштетүүчү заводдо өндүрүш учкучсуз учуучу аппараттын чабуулунан улам токтотулду.

Ростов облусунун губернатору Василий Голубев жазуу түрүндөгү билдирүүсүндө, Новошатинский мунай заттары заводуна кол салган пилотсуз аппараттын атып түшүрүлгөнүн айтты.

Пилотсуз учактын объектке кулап түшкөнүн жана ушул себептен өндүрүштүн токтоп калганын белгилеген Голубев, окуянын натыйжасында каза болгондордун жана жабыркагандардын болбогонун билдирди.

Жылдык мунай иштетүү кубаттуулугу 7,5 миллион тонна болгон Новошахтинский мунай заводу Орусиянын түштүгүндөгү эң ири нефтини кайра иштетүүчү завод болуп саналат.

2023-жылдын май айында да объектке учкучсуз учуучу аппарат менен кол салуу жасалып, анча-мынча зыян келтирилген.