Газада каза болгондордун саны

Израиль армиясынын, калкы ачка жана суусуз калтырган блокададагы Газа тилкесине кол салууларында каза болгондордун саны акыркы 24 саатта 90 кишиге көбөйүп 29 миң 782ге жетти.

Газадагы Палестинанын Саламаттыкты сактоо министрлигинин жазуу түрүндөгү билдирүүсүндө, Израилдин 143 күндөн бери улантып жаткан кол салуулары тууралуу маалымат берилди.

Израиль армиясынын Газа тилкесинде акыркы 24 саатта 10 үй-бүлөгө каршы кылган кыргындын натыйжасында 90 кишинин каза болгондугу, 164 кишинин жараланганы белгиленди.

Буга караганда 7-октябрдан бери Газада каза тапкан палестиналыктардын саны 29 миң 782ге, жаралуулардын саны 70 миң 43кө жеткени кабарланды.

Билдирүүдө урандылардын астында жана жол жээгинде дагы деле сөөктөрдүн бар экени, бирок Израиль күчтөрүнүн тоскоолдугунан улам медициналык топтор менен жарандык коргонуу өкүлдөрүнүн сөөктөргө жете албаганы баса белгиленди.