Индияда жумушчулар курал-жарак ташыган кемелерди жүктөбөө жана жүк түшүрбөө чечимин чыгарышты

Индиянын суу транспорту жумушчуларынын профсоюзунун (WTWFI) мүчөлөрү Израилге курал-жарак ташыган кемелерди жүктөбөө жана жүк түшүрбөө чечимин чыгарышты.

«India Today» газитинин билдирүүсүнө караганда, өлкөнүн 11 ири портунда иштеген 3500 жумушчунун өкүлдөрү болгон профсоюз тарабынан 14-февралда жарыяланган билдирүү азыр эле басма сөздө жарыяланды.

Биримдиктин «Палестинадагы согушта колдонула турган курал-жарактарды ташыган, Израилге же башка өлкөгө бара турган же андан келген кемелерди жүктөбөө жана түшүрбөө» чечимин чыгарганы белгиленди.

Билдирүүдө, «Биз, профсоюздардын мүчөсү болгон порт жумушчулары катары согушка жана аялдар менен балдар сыяктуу бейкүнөө адамдардын өлтүрүлүшүнө ар дайым каршыбыз. Израилдин Газадагы акыркы кол салуулары миңдеген палестиналыктарга чексиз азап жана жоготууларды алып келди. Аялдар менен балдар согушта бөлүнүп-чачылды. Ата-энелер бомбалоодо курман болгон балдарын тааный албай калышты»,деген сөздөр камтылган.

Билдирүүдө биримдиктин мүчөлөрүнүн курал ташыган жүк менен коллегиялдуу түрдө иш кылбоого чечим чыгарганы, бул куралдарды жүктөө жана түшүрүүнүн бейкүнөө адамдарды өлтүргөн схемаларга жардам берери баса белгиленди.

Билдирүүдө төмөндөгүлөр белгиленди: «Ошондой эле ок атышууну токтоосуз токтотууга чакырабыз. Жооптуу профсоюздар катары биз тынчтыкты колдогондор менен тилектеш экенибизди билдиребиз. Дүйнө жүзүндөгү жумушчуларды жана тынчтыкты сүйүүчүлөрдү эркин Палестинанын жанында болууга чакырабыз».

Израилдин 7-октябрдан бери Газа тилкесине кол салууларынан эң аз 12 миң 660ы бала, 8 миң 570и аял болгон 28 миң 985 палестиналык каза болуп, 68 миң 883 киши жаракат алды.