Эртең Пакистанда шайлоо болот
8 - февралда боло турган шайлоого 150 саясий партия катышат.
2099045
Түштүк Азия өлкөсү Пакистан 8 - февралда 25 - премьер - министрин жана 16 - парламент мүчөлөрүн шайлоо үчүн добуш берет.
Пакистан Мусулман Лигасынын (PML-N) лидери, мурдагы премьер-министр Наваз Шариф жана Пакистан Элдик партиясынын лидери, мурдагы премьер-министр Беназир Бхуттонун уулу Билавал Бхутто Зардари шайлоодо эң күчтүү эки талапкер катары алдыга чыгууда.
Шайлоо комиссиясынын маалыматына караганда, 241 миллион 490 миң калктуу Пакистанда 128 миллион 585 миң 760 шайлоочу катталган.
8 - февралда боло турган жалпы жана мамлекеттик шайлоого 150 саясий партия катышат.
Өлкөдө акыркы жалпы шайлоо 2018 - жылы 25 - июлда болгон.
