Жер Ортолук деңизинде 100гө жакын мыйзамсыз мигрант каза болду же дайынсыз жоголду

Бириккен Улуттар Уюмунун Эл аралык миграция уюмунун башкы директору Эми Попе 2024-жылдын башынан бери Борбордук жана Чыгыш Жер Ортолук деңизинде 100гө жакын мыйзамсыз мигранттын каза болгонун же дайынсыз жоголгонун билдирди.

Попе Римде өткөрүлгөн “Италия-Африка: Биргелешкен өсүш үчүн көпүрө” аттуу эл аралык саммитке баяндамачы катары катышты.

Мигранттардын корголушу үчүн чечимдердин талкууланышы керектигине көңүл бурган Попе, өлүм жана жоголууларга байланыштуу акыркы каттоолордун коопсуз жана тартиптүү жолдорду камтыган комплекстүү мамиленин маанилүүлүгүнө ишарат кылганын белгиледи.

Попе 2024-жылдын башынан бери Борбордук жана Чыгыш Жер Ортолук деңизде 100гө жакын мыйзамсыз мигранттын жоголгондугун же каза болгонун, бул көрсөткүчтүн 2023-жылдын тийиштүү мезгилине салыштырмалуу эки эседен көп экенин айтты.

Мыйзамсыз миграция жолунда Африкадан Европага барылуучу өлкө Италия Евробиримдик менен бирге Африканы өнүктүрүү долбоорлорун ишке ашырууну, Африка өлкөлөрү менен кызматташтыкты арттырууну жана мыйзамсыз мигранттардын келишин алдын алууну каалайт.

Римде бүгүн өткөрүлгөн Италия-Африка саммити ушул максаттарды жогорку деңгээлде талкуулоо жагынан маанилүү.