Ляйен Украинага дагы көп курал-жарак жана материалдык колдоо көрсөтүү керектигин айтты

Европа Биримдиги (ЕБ) комиссиясынын төрайымы Урсула фон дер Ляйен, Орусия менен болгон согушта ийгиликке жетиш үчүн Украинага дагы көп курал-жарак жана материалдык колдоо көрсөтүү керектигин айтты.

Фон дер Ляйен Швейцариянын Давос шаарында өткөн Дүйнөлүк экономикалык форумда (WEF) сөз сүйлөдү.

Орусия-Украина согушуна токтолгон фон дер Ляйен Орусия өзүнүн стратегиялык максаттарында ийгиликке жетпегенин айтып: "Бул биринчи кезекте аскердик ийгиликсиздик."-деди.

Фон дер Ляйен Орусиянын аскердик дараметин жарымына жакынын жоготкондугун, Украинанын Орусияны басып алган жерлеринин жарымынан кууп чыкканын белгиледи.

Орусиянын экономикалык жана дипломатиялык жактан ийгиликсиз болгонун белгилеген фон дер Ляйен:"Биз Украинанын каршылыгын күчөтүүнү улантышыбыз керек. Украиндар 2024-жылы жана андан кийин да болжолдуу каржылоого муктаж."- деди.

Фон дер Ляйен Украина өз аймагын коргоо жана кайтарып алуу үчүн адекваттуу жана үзгүлтүксүз курал-жарак менен камсыз болушу керектигин белгиледи.