Ирландия Косовонун Европа Биримдиги жана Еропа Кеңешине мүчөлүгүн колдойт
Косовонун премьер-министри Альбин Курти Косового биринчи жолу барган Ирландиянын премьер-министри Лео Варадкарды мамлекеттик азем менен кабыл алды.
Ирландия Косовонун Европа Биримдигине жана Европа Кеңешине мүчөлүгүн колдойт.
Косовонун премьер-министри Альбин Курти кечээ Косового биринчи жолу барган Ирландиянын премьер-министри Лео Варадкарды мамлекеттик азем менен кабыл алды.
Маалымат жыйынында Курти Ирландиянын Косовонун Европа Кеңешине да, Европа Биримдигине да мүчөлүгүн колдой турганын айтты.
Курти :«Бүгүнкү жолугушуу эки тараптуу мамилелерди экономикалык жана коммерциялык деңгээлде, ошондой эле маданий, саясий жана дипломатиялык деңгээлде тереңдетүү үчүн алдыбыздагы мүмкүнчүлүктөрдү талкуулоо үчүн абдан жакшы мүмкүнчүлүк болду», - деди.
Ирландиянын премьер-министри Лео Варадкар Ирландиянын Косовонун эгемендүүлүгүн тааныган алгачкы өлкөлөрдүн бири болгонун айтып, Ирландиянын Косовонун быйыл Европа Кеңешине мүчө болушун колдой турганын жана Европа Биримдигине мүчөлүк үчүн сүйлөшүү процессин баштаарын кошумчалады.
Ирландиянын премьер-министри Европа Биримдигинин 2023 - жылы Косового киргизген чектөө чаралары өлкөнүн түндүгүндөгү кырдаалдан улам алынышы керектигин айтты.
Варадкар ошондой эле сербдер көпчүлүктү түзгөн муниципалитеттер биримдигинин түзүлүшү керектигин, бирок ошол эле учурда Косоводо микро-мамлекеттердин түзүлбөшү керектигин айтты.
Косово сапары учурунда Ирландиянын премьер-министри Косовонун президенти Вйоса Османи тарабынан кабыл алынып, KFOR жана EULEX мүчөлөрү менен да жолугушуу өткөрөт.
