Блинкен: «Биз көз каранды эмес Палестина мамлекетин түзүүнү жактайбыз»

Америка Кошмо Штаттарынын (АКШ) мамлекеттик катчысы Энтони Блинкен көз карандысыз Палестина мамлекетинин түзүлүшүн жактай турганын билдирди.

Блинкен Бириккен Араб Эмирликтеринин (БАЭ) президенти Мухаммед бин Заид Аль Нахайян менен жолугушуусуна байланыштуу X социалдык медиа платформасында билдирүү жасады.

Аль Нахайян менен бүгүн Абу-Дабиде жолугушкандарын белгилеген Блинкен аймакта кагылышуулардын жайылышынын алдын алуу жана Газа тилкесиндеги гуманитардык муктаждыктарды канааттандыруу аракеттерин сүйлөшкөндөрүн белгиледи.

Блинкен: «(Жолугушуу учурунда) көз карандысыз Палестина мамлекетин түзүүгө биздин туруктуу умтулуубузду баса белгиледим»,-деп айтты.

БАЭнин расмий кабар агенттиги WAM билдиргендей, Аль Нахайян менен Блинкен «Газа тилкесиндеги кризистин аймактагы тынчтык, туруктуулук жана коопсуздукка тийгизген кооптуу кесепеттерин» талкуулашты.

АКШнын мамлекеттик катчысы Блинкен Түркия жана Грециядан кийин аймактык турунун алкагында БАЭге, андан кийин Иордания жана Катарга барды.