Израилдин Газага кол салуулары...
Палестина өкмөтүнүн Газадагы медиа кеңсесинин билдирүүсүндө Израиль армиясынын 75 күндөн бери Газага кол салуулары тууралуу маалымат берилди.
Израилдин Газа тилкесине 7-октябрдан бери уланып жаткан кол салууларында каза болгон палестиналыктардын саны 20 миңден ашты.
Палестина өкмөтүнүн Газадагы медиа кеңсесинин билдирүүсүндө Израиль армиясынын 75 күндөн бери Газага кол салуулары тууралуу маалымат берилди.
Билдирүүдө Израилдин Газадагы кол салууларында каза болгон палестиналыктардын санынын 20 миңден ашканы, жаралуулардын санынын 52 миң 600дөн ашканы белгиленди.
Билдирүүдө кол салууларда талкаланган имараттардын урандылары астында калган дайынсыз жоголгондордун саны 6700 экени, алардын 70 пайызынын аялдар жана балдар экени баса белгиленди.
Билдирүүдө Израилдин 310 медицина кызматкерин, 35 жарандык коргонуу кызматкерин жана 97 журналистти өлтүргөндүгү, ошондой эле 99 медицина кызматкери менен 8 журналистти да камакка алганы белгиленди.
Билдирүүдө Израилдин Газа тилкесиндеги 140 саламаттыкты сактоо мекемесин бутага алганы, 23 оорукана жана 53 саламаттыкты сактоо борборун иштен чыгарганы, 102 тез жардам унаасын жараксыз абалга келтиргени белгиленди.
Израиль армиясынын кол салууларында Газа тилкесинде 53 миң үй толугу менен, 255 миң үй жарым-жартылай, жалпы 308 миң үйдүн зыянга учураганы белгиленди.
Билдирүүдө Израилдин Газа тилкесинде 126 мамлекеттик мекеме, 90 мектеп жана университетти бутага алып, толугу менен жок кылганы, жалпы 283 мектеп жана университетке зыян келтиргени белгиленди.
Израилдин да сыйынуучу жайларды бутага алганына көңүл бурулган билдирүүдө, Газада 114 мечиттин толугу менен талкаланганы, 200ү зыянга учурагандыгы жана 3 чиркөөнүн бутага алынганы белгиленди.
Хамастын аскердик канаты Кассам бригадасы 7-октябрда Израилге карата «Акса топону» деп аталган кеңири чабуулун баштаганын жарыялаган.
Буга жооп катары Израиль армиясы согуштук учактар менен Газа тилкесине каршы «Темир кылычтар» операциясын баштаганын жарыялаган.
