Судан 15 дипломаттан өлкөдөн чыгып кетүүнү талап кылды
Тышкы иштер министрлиги жазуу түрүндө билдирүү жасады.
Судан, Бириккен Араб Эмираттарынын (БАЭ) өлкөдө иштеген 15 дипломатынан 48 сааттын ичинде өлкөдөн чыгып кетүүсүн талап кылды.
Тышкы иштер министрлигинен берилген жазуу түрүндөгү маалыматта, Бириккен Араб Эмираттарынын 15 дипломатынын персона нон грата деп жарыяланышы чечиминин БАЭнин Судан боюнча убактылуу ишенимдүү өкүлүнүн орун басары Бедрийе аль-Шаххиге жеткирилгени белгиленди.
Билдирүүдө аталган 15 кишинин 48 сааттын ичинде Судандан чыгуусу талап кылынганы кабарланды.
Судандын эгемендик кеңешинин мүчөсү жана армиянын командиринин орун басары генерал Ясир аль-Ата, 27-ноябрда өлкөнүн борбору Хартумдун батышындагы Омдурман шаарындагы Вади Сейидна аскердик аба базасында сүйлөгөн сөзүндө, БАЭнин мафиялык өлкө экенин жана согушкерлерге коңшу өлкөлөрдүн аэропорттору аркылуу дайыма колдоо көрсөткөнүн айткан.
