Венгрия Украина-ЕБ мүчөлүгү сүйлөшүүлөрүнө каршы
Венгриянын мамлекеттик министри Гергели Гуляс билдирүүсүндө, «согушта кыйраган өлкөнүн» ЕБге кошулуусу боюнча расмий сүйлөшүүлөрдү баштоонун эрте экенин айтты.
Венгрия, Евробиримдиктин (ЕБ) Украинанын биримдикке мүчө болушу үчүн сүйлөшүүлөрдү баштоо сунушун колдобой турганын жарыялады.
Венгриянын мамлекеттик министри Гергели Гуляс борбор шаар Будапештте басма сөзгө жасаган билдирүүсүндө, «согушта кыйраган өлкөнүн» ЕБге кошулуусу боюнча расмий сүйлөшүүлөрдү баштоонун эрте экенин айтты.
Гуляс Бельгиянын борбор шаары Брюсселде боло турган Евробиримдиктин лидерлер саммитинде, сүйлөшүүлөрдүн башталышын колдобой тургандарын билдирди.
«Эрте айтылган сунушка туш болдук» деген Гуляс, Венгриянын Украинаны Биримдикке кирүү процессин баштоого чакыруу боюнча “жалпы чечимге” салым кошо албасын маалымдады.
Гуляс ошондой эле Киевге 50 миллиард евролук узак мөөнөттүү жардамды да камтыган Евробиримдиктин бюджетине сунушталып жаткан өзгөртүүлөрдү өлкөсүнүн колдобой турганын кабарлады.
